Малака ошириш ва қайта тайёрлаш Маркази ТАСДИҚНОМАСИ

Малака ошириш ва қайта тайёрлаш Маркази жамоаси

Ўзбекистон Республикаси Президентининг “Тиббиёт ва фармацевтика таълим ва илм-фани тизимини янада ривожлантириш чора-тадбирлари тўғрисида”ги 2019 йил 6-май ПҚ-4310 қарорида белгиланган вазифалар ижросини таъминлаш ҳамда фармацевтика соҳасида замонавий технологиялар ва инновацияларга асосланган рақобатбардош нодавлат таълим хизматлари кўрсатилишини янада ривожлантириш мақсадида  Фармацевтика таълим ва тадқиқот институтида Фармацевт кадрларни малакасини ошириш ва қайта тайёрлаш  маркази 2021 йилнинг ноябрь ойида ташкил этилди ва Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан  № 015112 рақамли кадрлар малакасини ошириш ва уларни қайта тайёрлаш фаолияти учун тасдиқнома берилди. 2021 йилнинг ноябрь ойидан бошлаб марказ ўз фаолиятини бошлади.

Фармацевтика таълим ва тадқиқот институти (ФТТИ) Малака ошириш ва қайта тайёрлаш Марказида нафақат фармацевт кадрларни малакасини ошириш, балки республикада илк бор биотехнология, метрология, стандартлаш ва маҳсулот сифати  менежменти ҳамда доривор ўсимликларни парвариш қилиш технологияси (агроэкология) каби мутахассисларни қайта тайёрлаш курслари учун  керакли жихозлар тахт қилинди ва барча меъёрий хужжатлар ишлаб чиқилиб, тасдиқланди ва нихоят 2022 йил январь ойидан бошлаб ушбу курсларда ўқитиш бошланди.

ФТТИнинг малака ошириш ва қайта тайерлаш марказида  қуйидаги йўналишлар бўйича малака ошириш ва қайта тайёрлов курслари  мавжуд:

1. Дорихона муассасалари иқтисодиёти ва фармациядаги долзарб муаммолар – 144 соатлик умумий малака ошириш курслари;

2. Фармацевтика амалиёти долзарб мавзулари  – 144 соатлик умумий малака ошириш курслари;

3. Яхши дорихона амалиёти (GPP) – 36 соатлик қисқа муддатли малака ошириш курслари

4. Яхши ишлаб чиқариш амалиёти (GMP) миллий талабларига мувофиқ фармацевтика корхоналарида сифатни таъминлаш

5. Дорихоналарда дори воситаларини тайёрлаш жараёнини механизациялаштириш ва автоматлаштириш – 36 соатлик қисқа муддатли малака ошириш курслари;

6. Фармацевтика бозорида маркетинг стратегияси ва тактикаси – 36 соатлик қисқа муддатли малака ошириш курслари;

7. Фармакоиқтисодиёт (илмий адабиётларни тизимли таҳлил усуллари) – 36 соатлик қисқа муддатли малака ошириш курслари;

8. Фармация таълим йўналиши бўйича қайта тайёрлов курслари (биотехнология, саноат фармацияси, метрология, стандартлаш ва маҳсулот сифати ҳамда доривор ўсимликларни парвариш қилиш технологияси (агроэкология) йўналишлари битирувчилари учун).

Бизнинг марказимизда ҳозирги кунда тингловчилар учун энг имтиёзли нархлар белгиланган.

Марказда фармацевтика соҳасида етарли тажрибага эга салоҳиятли устозлар - Фармацевтика таълим ва тадқиқот институти илмий маслаҳатчиси, профессор Юнусходжаев Аҳмад Нигманович, Фармацевтика тармоғини ривожлантириш агентлигининг директор маслаҳатчиси, доцент Ибрагимова Муҳаббат Яхёевна, Фармацевтика таълим ва тадқиқот институти Малака ошириш ва қайта тайёрлаш Маркази директори, профессор Искандарова Шохиста Феҳрузовна,  Фармацевтика таълим ва тадқиқот институти профессори Зайнутдинов Хикматилла Суннатович, Малака ошириш ва қайта тайёрлаш Маркази доцентлари Салямова Шахло Туракуловна, Абдижалилова Зилола Хикматиллаевна, Абдухалилова Нилуфар Сабировна, Исламова Марғуба Зиятовна ва бошқалар машғулотларни олиб боришмоқда.

       Курс якунида тингловчилар учун малака оширганликлари тўғрисида  Ўзбекистон Республикаси Соғлиқни сақлаш вазирлиги томонидан тасдиқланган намунадаги сертификат берилади. Бу мутахассисларни кейинги беш йилликда ўз фаолиятларини давом эттириш имконини беради.

Яқинда пойтахтимизнинг Юнусобод даҳасида ўз фаолиятини бошлаган Фармацевтика таълим ва тадқиқот институтининг Малака ошириш ва қайта тайёрлаш Маркази 3 ойда 500 дан зиёд фармацевт мутахассисларнинг малакасини оширишга муваффақ бўлди.  Ушбу салмоқли кўрсаткич Марказнинг пухта фундаментал техник илмий базаси, кенг имкониятлари, ресурслари, юқори малакали профессор-ўқитувчиларга эга эканлигидан далолат беради.

Марказ директори,  фармацевтика фанлари доктори, профессор Искандарова Шоҳиста Фехрузовна билан ушбу ўқув маскани тингловчиларини қабул қилиш шартлари, ўқитиш йўналишлари ва  тартиби ҳамда мутахассисларга муҳим жиҳатлари ҳақида суҳбатлашдик.    

Савол: Ҳозирда Фармацевтика таълим ва тадқиқот институтида самарали фаолият юритаётган Малака ошириш ва қайта тайёрлаш маркази қачон ўз ишини бошлаган?

Шоҳиста Искандарова: Фармацевтика таълим ва тадқиқот институтида Фармацевт кадрларни малакасини ошириш ва қайта тайёрлаш маркази 2021 йилнинг ноябрь ойида ташкил этилди ва Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан № 015112 рақамли кадрлар малакасини ошириш ва уларни қайта тайёрлаш фаолияти учун тасдиқнома берилди. Ноябрь ойида марказ ўз фаолиятини бошлади.

Савол: Ҳар қандай таклиф, илм-фан йўналишидаги лойиҳалар ҳам талабдан келиб чиқади. ФТТИда фармацевт кадрларнинг малакасини ошириш ва қайта тайёрлашга қандай эҳтиёж бор деб ўйлайсиз?

Шоҳиста Искандарова:  Маълумки, фармацевтика соҳаси ҳар куни ўз устида  ишлашни ва мунтазам малака ошириб боришни талаб қилади. Дори воситалар бўйича маълумотлар базаси ҳар йили ўртача 15% янгиланиб боради. Ўзбекистон Республикаси  Президентининг “Тиббиёт ва фармацевтика таълим ва илм-фани тизимини янада ривожлантириш чора-тадбирлари тўғрисида”ги 2019 йил 6-май ПҚ-4310 қарорида белгиланган вазифалар ижросини таъминлаш ҳамда фармацевтика соҳасида замонавий технологиялар ва инновацияларга асосланган рақобатбардош нодавлат таълим хизматлари кўрсатилишини янада ривожлантириш мақсадида ушбу марказ фаолият олиб бормоқда.       

Савол: Бу марказнинг мавжуд бошқа қайта тайёрлаш марказлардан фарқи нимада? Ташкилот ўз олдига қандай вазифаларни қўйган?

Шоҳиста Искандарова: Фармацевтика таълим ва тадқиқот институти Малака ошириш ва қайта тайёрлаш Марказида, нафақат фармацевт кадрларни малакасини ошириш, балки республикада илк бор биотехнология, метрология, стандартлаш ва маҳсулот сифати менежменти ҳамда доривор ўсимликларни парвариш қилиш технологияси (агроэкология) каби мутахассисларни қайта тайёрлаш курслари учун  керакли жиҳозлар тайёрланди ва барча меъёрий ҳужжатлар ишлаб чиқиб тасдиқланди ва ниҳоят, 2022 йил январь ойидан бошлаб  мазкур курсларда ўқитиш бошланди.

Савол: Бу ерда қандай йўналишларда малака ошириш мумкин? Курснинг давомийлиги ва нархи ҳақида маьлумот берсангиз.

Шоҳиста Искандарова: ФТТИнинг Малака ошириш Марказида  қуйидаги йўналишлар бўйича малака ошириш ва қайта тайёрлов курслари мавжуд:

1. Дорихона муассасалари иқтисодиёти ва фармациядаги долзарб муаммолар – 144 соатлик умумий малака ошириш курслари;

2. Фармацевтика амалиёти долзарб мавзулари – 144 соатлик умумий малака ошириш курслари;

3. Яхши ишлаб чиқариш амалиёти (GMP) миллий талабларига мувофиқ фармацевтика корхоналарида сифатни таъминлаш – 144 соатлик умумий малака ошириш курслари;

4. Дорихоналарда дори воситаларини тайёрлаш жараёнини механизациялаштириш ва автоматлаштириш – 36 соатлик қисқа муддатли малака ошириш курслари;

5. Фармацевтика бозорида маркетинг стратегияси ва тактикаси – 36 соатлик қисқа муддатли малака ошириш курслари;

6. Фармакоиқтисодиёт (илмий адабиётларни тизимли таҳлил усуллари) – 36 соатлик қисқа муддатли малака ошириш курслари;

7. Фармация таълим йўналиши бўйича қайта тайёрлов курслари (биотехнология, саноат фармацияси, метрология, стандартлаш ва маҳсулот сифати ҳамда доривор ўсимликларни парвариш қилиш технологияси (агроэкология) йўналишлари битирувчилари учун).

Марказимизда ҳозирги кунда тингловчилар учун энг имтиёзли нархлар белгиланган.

Савол: Бир вақтнинг ўзида марказ қанча тингловчини ўқита олади?

Шоҳиста Искандарова: Марказда бир вақтни ўзида 200 дан зиёд тингловчи таҳсил олиши учун шароитлар яратилган.

Савол: Самарали малака оширишда профессор-ўқитувчилар салоҳияти ва яратилган шароитлар муҳим аҳамият касб этади. Марказнинг фундаментал илмий базаси ва ресурслари ҳақида нима дея оласиз?

Шоҳиста Искандарова: Малака ошириш таълим жараёнига фан ва амалиётнинг салоҳиятли профессор-ўқитувчилари, фармацевтиканинг етакчи мутахассислари жалб қилинган бўлиб, тингловчилар  соҳага оид энг сўнгги маълумотларга эга бўладилар. Масалан: тингловчилар  реал амалиётлар шароитида фармацевтик технологияга, фармацевтика ишини ташкил қилиш, фармакология ва бошқа модуллар бўйича  энг янги маълумотларни инновацион технологиялар асосида оладилар.

Марказда фармацевтика соҳасида етарли тажрибага эга салоҳиятли устозлар - Фармацевтика таълим ва тадқиқот институти илмий маслаҳатчиси, профессор Юнусходжаев Аҳмад Нигманович, Фармацевтика тармоғини ривожлантириш агентлигининг директор маслаҳатчиси, доцент Ибрагимова Муҳаббат Яхёевна, Фармацевтика тармоғини ривожлантириш агентлигининг лицензиялаш ва назорат қилиш бошқармаси бошлиғи, фармацевтика фанлари номзоди Зуфарова Гулнора Хайруллаевна, Фармацевтика таълим ва тадқиқот институти профессори Зайнутдинов Хикматилла Суннатович, Фармацевтика таълим ва тадқиқот институти Малака ошириш ва қайта тайёрлаш маркази директори, профессор Искандарова Шоҳиста Фехрузовна ва бошқалар машғулотларни олиб боришмоқда.

Савол: Малака ошириш дарслари онлайн ташкил этиладими ёки оффлайн?

Шоҳиста Искандарова: Биз тингловчиларни имкониятларидан келиб чиқиб, ҳар икки турдаги малака ошириш дарсларини таклиф қиламиз. Ўқиш турини уларнинг ўзи танлайди. Масалан: 16 февралдан бошланаётган курс мавжуд эпидемиологик аҳвол ва  тингловчиларнинг хоҳишига кўра онлайн тарзда бўлиши режалаштирилди.

Савол: Курс якунлангач, мутахассисларга қандай ҳужжат берилади?

Шоҳиста Искандарова: Курс якунида тингловчилар учун малака оширганликлари тўғрисида  Ўзбекистон Республикаси Соғлиқни сақлаш вазирлиги томонидан тасдиқланган намунадаги сертификат берилади. Ушбу сертификат мутахассисларга фармацевтика соҳасида 5 йил фаолият юритиш имконини беради.

Савол:  Бугунги кунга қадар марказда нечта мутахассис малака оширди?

Марказ фаолиятини бошлаганига яқинда 3 ой бўлади. Ана шу қисқа давр ичида  500 дан зиёд мутахассислар ўз малакасини  оширишга муваффақ бўлишди. Улардан ташаккурнома ва миннатдорчилик хатлари келиб турибди. 

Савол: Марказнинг келгуси фаолиятидаги режалари ҳақида сўзлаб берсангиз.

Шоҳиста Искандарова: Марказимиз мутахассислари доимий изланишда десам, сира муболаға бўлмайди. Биз малака ошириш курсларига ташриф буюрган тингловчилардаги мавжуд муаммоларнинг ечимини топишга, қолаверса уларнинг келгуси фаолиятларини самарали ташкил қилиш бўйича имкониятларимизни такомиллаштириб бормоқдамиз. Келгусида ривожланган давлатлардан фармацевтика соҳасининг етакчи мутахассисларини таълим жараёнига жалб қилиш ва халқимизга намунавий фармацевтик хизмат кўрсатиш қобилиятига эга мутахассисларни тайёрлаш ниятидамиз.

- Мазмунли суҳбатингиз учун ташаккур. Марказнинг келгуси ишларига муваффақиятлар тилайман.

 Шоҳиста Искандарова: Раҳмат!

Мурожат учун телефонлар:  

☎ (97) 137-00-50

☎ (99) 803-28-82

☎ (97) 138-00-50 

Малака ошириш тингловчилари ўқув жараёнидан лавхалар

Қайта тайёрлов тингловчилари ўқув жараёнидан лавхалар

Бугун барча соҳалар қатори фармацевтика соҳаси ҳам жадал ривожланаётган бир вақтда, ушбу соҳа мутахассисларининг касбий малакасини ошириш, энг охирги талаблар асосида кадрлар билимини мустаҳкамлаб бориш муҳим вазифалардан бири бўлиб қолмоқда. 

2022 йил 21 январда қабул қилинган 55-сонли Ўзбекистон Республикасининг Президентининг 2022 — 2026 йилларда Республиканинг Фармацевтика тармоғини жадал ривожлантиришга оид қўшимча чора тадбирлар тўғрисидаги фармонида дорихоналарни тартибга солиш бўйича меъёрлар кўрсатилган. Унга кўра, 2022 йил 1 апрелдан «Зарур фармацевтика (дорихона) амалиёти (GPP)» талабларига мувофиқ равишда ташкил этилиши белгиланган. 

Бугун Фармацевтика таълим ва тадқиқот институтида 55-сонли ПФнинг ижроси бўйича “GXP UMEDCERT”  компаниясининг ҳалқаро ва миллий GPP стандартларини жорий қилиш бўйича 20 йиллик тажрибага эга етакчи мутахассиси фарм.ф.н., Аршалуйс Шакарян томонидан фармацевтлар учун махсус Zoom платформаси орқали семинар тренинг ўтказилди. 

Институтнинг Малака ошириш ва қайта тайёрлаш маркази томонидан ташкил этилган мазкур семинарда институтнинг 17 нафар ўқитувчи иштирок этди. Қизғин мулоқот тарзида ўтган семинар тренинг соҳа мутахассисларида катта қизиқиш уйғотди, мутахассислар касбга доир янги маълумотларга, дастурларга эга бўлдилар. Мулоқот сўнггида қатнашчилар германиялик мутахасис Аршалуйс Шакарян хонимга ўзларини қизиқтирган саволлар билан мурожат қилдилар. 

ФТТИ матбуот хизмати

Фармацевтика таълим ва тадқиқот институти малака ошириш ва қайта тайёрлаш Марказининг илк қайта тайёрлов курси битирувчилари учун  2022 йил 18 - 19 ноябрь кунларида  якуний аттестация бўлиб ўтди. Якуний аттестация  тест ҳамда якуний сухбат кўринишида ўтказилди. Аттестация комиссияси раиси ЎзР ССВ Тошкент вакцина ва зардоблар Илмий тадқиқот институти директори А.А.  Ашуров, раис муовини ФТТИ 1-проректори проф. Ш.З.Умарова, шунингдек аъзолар - Марказ директори проф. Ш.Ф. Искандарова,  проф. Х.С. Зайнутдинов, доцентлар Ш.Т. Салямова, З.Х. Абдижалилова ҳамда катта ўқитувчилар Н.С. Абдухалилова, М.З. Исломова, Н.А.Содиқовалар томонидан имтихон қабул қилинди. Малака ошириш ва қайта тайёрлаш Марказининг қайта тайёрлаш йўналиши дастлабки қалдирғочлари якуний аттестацияни  мувафақиятли топширишди.

Доривор ўсимликларни етиштириш ва қайта ишлаш асосида доришунослик соҳасини ривожлантиришга кенг имкониятлар яратилади

Markaz: Malaka oshirish va qayta tayyorlash

Fan: Farmatsevtik texnologiya

Dars turi: laboratoriya mashg’uloti

Pedagog: dotsent, DSc Z.X.Abdijalilova

Mavzu: Qattiq dori shakllari. Granulalar tarixi, tavsifi va tasnifi. Ularni tayyorlash texnologiyasi.

Kurs: Qayta tayyorlash 5 guruh

TA'LIM JARAYONI

Markaz: Malaka oshirish va qayta tayyorlash

Fan: Patalogiya va anatomiya asoslari bilan 

Dars turi: amaliy mashg’ulot

Pedagog: dotsent V.B.Rasulova

Mavzu: Buyraklar patologiyasi. Buyrak kasalliklari va buyrak yetishmovchiligi.

Kurs: Qayta tayyorlash 4 guruh

Markaz: Malaka oshirish va qayta tayyorlash

Fan: Farmakognoziya 

Dars turi: amaliy mashg’ulot

Pedagog: dotsent G.K.Raximova 

Mavzu: Tarkibida efir moylari bo'lgan dorivor o'simliklar va mahsulotlar.

Kurs: Qayta tayyorlash 3 guruh

Markaz: Malaka oshirish va qayta tayyorlash

Fan: Farmatsevtik kimyo

Dars turi: Laboratoriya mashg’uloti

Pedagog: Prof. V.N.Abdullabekova 

Mavzu: Turli morfologik guruhlarga kiruvchi mahsulotlarni farmakognostik tahlil qilish usullari.

Kurs: Qayta tayyorlash 3 guruh

Farmatsevtika ta’lim va tadqiqot instituti Malaka oshirish va qayta tayyorlash markazining qayta tayyorlash tinglovchilari uchun majlis tashkil etildi. Markaz direktori, professor, farm.f.d. Sh.F. Iskandarova so’zga chiqib institutda tinglovchilar bilim olishlari uchun yaratilgan shart-sharoitlar, davomat va o’zlashtirish masalalari muhokama qilindi.

Majlis so’ngida tinglovchilarni qiziqtirgan savollarga  javob berilib, fanlarni qayta topshirish bo’yicha belgilangan tartiblar tushuntirildi.

TA'LIM JARAYONI

Markaz: Malaka oshirish va qayta tayyorlash

Fan: Patologiya

Dars turi: ma’ruza

Pedagog: dotsent, b.f.n. V.B.Rasulova

Mavzu: Hazm tizimi va buyraklar potologiyasi.

Kurs: Qayta tayyorlash

TA'LIM JARAYONI

Markaz: Malaka oshirish va qayta tayyorlash

Fan: Farmatsevtik texnologiya

Dars turi: laboratoriya mashg’uloti

Pedagog: v.b dotsen, PhD N.S.Abduxalilova 

Mavzu: Yuqori molekulyar birikmalar va kolloid eritmalar.   

Kurs: Qayta tayyorlash 1 guruh