Россияликлар ўртасида ўтказилган сўроқлаш натижаларига кўра, фармацевтика ва тиббиёт карьера учун истиқболли соҳалар рейтингида IT cоҳасидан  кейин иккинчи ўринни эгаллади. Савдо-сотиқ учинчи ўринга жойлашди.

Россияликлар тиббиёт ва фармацевтикани яхши мартабага эришиш нуқтаи назаридан энг истиқболли соҳалардан деб ҳисоблашади. Сўровда иштирок этганларнинг 13%  шу соҳани танлашди.

Таққослаш учун: давлат фуқаролик хизмати атиги 8%  тўплади. Super Job иш излаш бўйича сервиси томонидан ўтказилган ва унинг сайтида эълон қилинган сўровнома ана шундай натижани кўрсатди. Россияликлар ахборот технологиялари (IT) соҳасини карьера қилиш учун энг истиқболли деб биладилар: Сўровда қатнашганларнинг 42 фоизи айни шу соҳада бугунги кунда юқори мартабаларга эришиш ва яхши даромад қилиш мумкинлигига ишонади. Ундан кейин фармацевтика ва тиббиёт эътироф этилган. Бу соҳаларга респондентларнинг 13% овоз берган, шу ўринда хотин-қизларнинг 15% бу соҳаларга урғу берганини таъкидлаш жоиз. Шоу бизнес, давлат фуқаролик хизмати, яқиндан бери жуда оммавийлашган юриспруденция ва ҳатто молия сектори ҳам 10% дан кам овоз олган.

Сўровнома 2022 йил 31 май 8 июнь кунлари ўтказилди.Унда 365 та аҳоли пунктидан 18 ёшдан катта бўлган 1600 киши иштирок этди.

ФТТИ Матбуот хизмати