Farmatsevtika ta’lim va tadqiqot instituti imkoniyatlari tobora kengayib bormoqda. 

Joriy yilning 7-yanvar sanasida  dunyo oliy ta’lim muassasalari reytingida 300 ta eng nufuzli oliy ta’lim muassasalari qatoridan joy olgan Tehron tibbiyot fanlari universiteti bilan hamkorlik memorandumi imzolandi. 

Tehron tibbiyot fanlari universiteti professori  Ali Akbar Malekirad hamda Toshkent davlat sharqshunoslik universiteti o‘qituvchisi Sima Abbosiy xonim institutimizga tashrif buyurishgani haqida xabar bergan edik. 

Bugungi uchrashuv avvalida mehmonlarimiz   Tehron tibbiyot fanlari universiteti rektori Muhammad Abdullohi yuborgan minnatdorlik xatini o‘qib eshittirishdi.

Farmatsevtika ta’lim va tadqiqot instituti ta’sischisi A.N. Yunusxo‘jaev, rektor A.F.Do‘stmatov hamkorlik memorandumi bandlari, hamkorlikdan ko‘zda tutilayotgan maqsad va vazifalar haqida yana bir bor fikr almashdilar.

Hamkorlik memorandumi imzolandi. Unga ko‘ra har ikki institut professor-o‘qituvchilari hamkorlikda  ilmiy izlanishlar olib borishi, talaba va magistrlar amaliyotini tashkil etish, kadrlar almashinuvini yo‘lga qo‘yish, qo‘shma ta’lim dasturlarini amalga oshirish ko‘zda tutilgan. 

🎓 TA’LIM  TADQIQOTGA, TADQIQOT TARAQQIYOTGA  YETAKLAYDI!