Joriy yilning 7-noyabr sanasi  Farmatsevtika ta’lim va tadqiqot instituti 1-bosqich talabalari uchun unutilmas kun bo‘ldi, desak mubolag‘a bo‘lmaydi.

Institut an’anasiga ko‘ra 1-bosqich talabalari uchun “Talabalikka bag‘ishlov” tadbiri tashkil etildi.

Poytaxtimizdagi muhtasham ziyo maskanlaridan biri bo‘lmish O‘zbek Milliy akademik teatri binosiga institut professor-o‘qituvchilari, talabalar hamda ularning ota-onalari tashrif buyurishdi.

Institut rektori Aziz Fayzamatovich Do‘smatov tadbirni ochib berib, barcha yig‘ilganlarni yana bir yangi qabul bilan tabrikladi. 1-bosqchida ta’lim olishni boshlagan talabalarga bilim cho‘qqilarini egallashlarida zafar yor bo‘lishini tiladi. 

Shundan so‘ng, institut asoschisi va ilmiy maslahatchisi, professor Axmadxo‘ja Nig‘monovich Yunusxo‘jaev so‘z olib, talabalarni institutda mavjud bo‘lgan sharoitlardan unumli foydalanishni maslahat berib, vaыtlarini besamar ketmazmasliklarini nasihat qildi. 

Shundan so‘ng, Aziz Fayzamatovich Do‘smatov shu kungacha yaxshi natijalarni qo‘lga kiritib kelayotgan 2023-2024 o‘quv yilini a’lo baholarga yakunlagan va faol  talabalar va grand farm stipendtianti taqdirladi

 Shuningdek, kirish imtihonlarida yuqori ball to‘plab, davlat grantiga ega bo‘lgan 15 talabaga vaucher taqdim etdi.

1-bosqich talabalari Vatanga muhabbatni tarannum etgan she’rlarni turli xalqlar tillarida yod olishdi. 

Tadbirning asosiy maqsadi bo‘lmish qasamyodga ham navbat yetib, 1-bosqich talabalari jo‘r ovozda qasmyod qabul qilishdi. 

1-bosqich talabasi Nuriddinova Dilfuza  shunday hayajonli onlar uchun maxsus tayyorlagan qo‘shig‘ini taqdim etdi. 

Va albatta  ilm o‘rgatayotgan, hayot sabog‘ini bergan jonkuyar, fidoyi ustoz va professorlarga chuqur hurmat bajo keltirib, guldastalar taqdim etildi. 

 Tadbirning tantnali qismi yakuniga yetgach  O‘zbek Milliy Akademik Drama teatri jamoasi taniqli san’atkorlar ijrosida  “Andishali kelin” spektaklini namoyish etdi.